पनवेल(प्रतिनिधी) निसर्ग वादळामुळे बाधीत झालेल्या रोह्यातील निलीकाॅन फुड डाईज अॅंड केमिकल्स कंपनी युनिट नंबर १ व युनिट नंबर २ आणि सुदर्शन इंडस्ट्रीज मधील ३०० कामगारांना आमदार प्रशांत ठाकूर यांच्या नेतृत्वाखाली जय भारतीय जनरल कामगार संघटना व भारतीय जनता पार्टी कामगार आघाडी दक्षिण रायगड यांच्या वतीने अन्न धान्याचे वाटप करण्यात आले.
या प्रसंगी संघटनेचे अध्यक्ष तसेच कामगार आघाडीचे जिल्हा अध्यक्ष जितेंद्र घरत, ज्येष्ठ नेते संजय कोनकर, युवा नेते अमित घाग, संघटनेच्या कार्यालयीन सचिव समिरा चव्हाण, संघटनेचे संघटक रविंद्र कोरडे, जिल्हा संघटक विवेक अभ्यंकर ,कामगार आघाडी रोहा तालुका अध्यक्ष प्रविण शिर्सेकर, संघटनेचे रोहा तालुका संघटक गणपत काजारे, सुयश ठाकुर व रोहा तालुका कामगार आघाडी कार्यकर्ते सुधाकर शिलधनकर, राजेश हजारे उपस्थित होते.
प्रत्येक कामगाराला तांदूळ, तुरडाळ, गोडेतेल,कांदे, बटाटी, तीखट मसाला व हळद आदी अन्नधान्य देण्यात आले. या कार्यात पनवेलचे आमदार प्रशांत ठाकूर यांनी बहुमोल मदत केल्याचे जितेंद्र घरत यांनी यावेळी आवर्जुन सांगीतले .
